Hoti: Qeveria e “mashtrimit” u ka shpallur luftë sindikatave, është përgjysmuar anëtarësimi i punëtorëve në to

Lajme

Gazeta Express

01/05/2024 12:57

Deputeti I Lidhjes Demokratike të Kosovës, Avdullah Hoti ka thënë se gjatë mandatit të qeverisë Kurti është përgjysmuar anëtarësimi i punëtorëve në sindikata. Sipas tij pagesat për anëtarësimin në Sindikata janë ulur nga 1.9 mil euro në vitin 2022 në rreth 0.9 mil euro në vitin 2023, shkruan Gazeta Express.

“Përkujtim i fakteve në ditën e punëtorëve. Në mandatin e kësaj qeverie është përgjysmuar anëtarësimi i punëtorëve në sindikata. Kjo bazohet në pagesat zyrtare të anëtarësisë në sindikata, të cilat pagesa janë ulur nga 1.9 mil euro në vitin 2022 në rreth 0.9 mil euro në vitin 2023”, ka thënë ai.

Sipas Hoti, qeveria u ka shpallur luftë sindikatave.

“Kjo është pasojë e luftës që Qeveria e mashtrimit u ka shpallur sindikatave nga marrja e mandatit. Sot komunikimi i shtetit me sindikatat praktikisht është joekzistent.  Slogani “Drejtësi dhe punësim” ka qenë mashtrim i tipit të komunizmit, kur njerëzit mashtroheshin se do ketë barazi, por e përjetonin shtypjen dhe poshtërimin”, ka shkruar tutje ai. /Express/