Vdes Louis Gosset Jr., rreshteri i paharrueshëm në filmin “ Oficeri dhe Xhentëllmeni”

Arte

Gazeta Express

29/03/2024 17:27

Louis Gossett Jr, afro- amerikani i parë që fitoi Oscarin për aktorin më të mirë në rol dytësor, ka vdekur në moshën 87-vjeçare.

Aktori i lindur në Nju Jork fitoi çmimin e Akademisë në vitin 1982 për rolin e tij si rreshteri Emil Foley në filmin “A Officer and a Gentleman”. Në këtë film rolin kryesor e kishte intepretuar Richard Gere.

Gossett gjithashtu fitoi një Emmy në 1978 për rolin e tij në Roots, mini-seriali televiziv novator për skllavërinë.

Vdekja e tij u konfirmua nga familja e tij për CBS – televizion partner amerikan i BBC-së. Nuk u dha asnjë shkak i vdekjes.

Gossett bëri debutimin e tij në Broadway si adoleshent dhe më vonë luajti në shfaqje si A Raisin in the Sun dhe Golden Boy.

Ai vazhdoi të merrte vlerësime pozitive nga kritika gjatë një karriere gjashtë dekadash.

Gossett vazhdoi aktrimin në jetën e mëvonshme dhe roli i tij i fundit ishte në rikrijimin e  mjuzikllit të vitit 2023 të The Color Purple.

Në filmin, një riimagjinim i romanit të vitit 1982 të Alice Walker-it, fitues i çmimit Pulitzer, ai luajti Ol’ Mister Johnson, babai i Albert “Mister” Johnson, i luajtur nga Colman Domingo.

Duke shkruar në Instagram, Domingo e quajti atë “një gjigand i vërtetë. Një legjendë e vërtetë”.

“Çfarë nderi që kam pasur mundësinë t’i dhurojë lule në ditën e fundit të filmit të tij të fundit “The Color Purple”, ku ai luajti babain tim,” shkroi ai.

“Fantasia [Barrino] e këndoi më së miri… Ai vrapoi garën e tij për ne. Ne jemi përgjithmonë borxhli. Le të qëndrojmë fort mbi supet e tij. Ngrini atë sot. RIP”

Barrino, i cili luajti personazhin kryesor Celie në film, shkroi gjithashtu: “Louis Gossett Jr, çfarë njeriu i mrekullueshëm ishe dhe historitë që na tregove, nuk do t’i harroj kurrë.”

Ajo shtoi se ai kishte “hapur rrugën për aktorët dhe aktoret afro-amerikane”.

Gossett luajti gjithashtu në Backstairs At The White House, The Story Of Satchel Paige, The Josephine Baker Story, për të cilën ai fitoi një Golden Globe dhe Roots Revisited.

Ai gjithashtu luajti në filmin fantastiko-shkencor të viteve 1980, Enemy Mine, si aliene Jeriba Shigan, së bashku me Dennis Quaid.