Kastriot Selmani nënshkruan me Dritën

Sport

Gazeta Express

14/06/2022 17:07

FC Drita ka njoftuar zyrtarisht për marrëveshjen e arritur me Kastriot Selmanin.

Sulmuesi i krahut të djathtë ka nënshkruar kontratë tri-vjeçare me “Intelektualët”, shkruan Gazeta Express.

22-vjeçari në tri sezonet ishte pjesë e Llapit, skuadër me të cilën regjistroi 102 paraqitje në total.

Selmani me fanellën e llapjanëve shënoi 15 gola.

Njoftimi i plotë nga FC Drita:

“Mirësevjen Kastriot

FC DRITA dhe sulmuesi 22 vjeçar, Kastriot Selmani kanë arritur marrëveshje tri vjeçare.

Kastrioti është sulmues i krahut të djathtë, ku u paraqit në 102 ndeshje me Llapin dhe shënoi 15 gola.

Sulmuesi i talentuar pritet të bashkohet me grupin sot dhe të jetë i gatshëm për ndeshjet në Evropë.
Klubi ynë, FC DRITA i dëshiron mirëseardhje dhe suksese Kastriotit, bashkë në realizim të objektivave tona.

Të priftë e mbara, Kastriot”. /Gazeta Express/