“Jam e fiksuar pas tij”, Adele flet si rrallëherë për lidhjen me agjentin sportiv

Rozë

Gazeta Express

16/08/2022 16:02

Adele ka folur si rrallëherë publikisht për jetën private duke thënë se nuk ka qenë kurrë më e dashuruar se tani.

Këngëtarja ka pozuar për kopertinën e revistës Elle ndërsa ka zbuluar se ëndrra e saj është të bëhet “shtëpiake” pasi planifikon të martohet dhe të ketë fëmijë me partnerin e saj, Rich Paul.

“Nuk kam qenë kurrë e dashuruar kështu. Unë jam e fiksuar pas tij. Patjetër që dua më shumë fëmijë. Unë jam shtëpiake dhe jeta e qëndrueshme më ndihmon me muzikën”, tha këngëtarja e njohur, duke shtuar: “Por tani për tani, gjithçka që kam në mendje është Las Vegas. Unë dua të kem sukses”.

Përsa i përket thashethemeve që qarkullojnë se ata po fejohen, Adele tha: “Epo, unë nuk jam e martuar. Unë jam thjesht e dashuruar. Unë jam e lumtur si kurrë më parë. Mund të jem edhe e martuar”, ndërsa duke iu referuar unazës së saj masive, e cila ndezi gjithë këto thashetheme, ajo u përgjigj:

“Nuk jam e fejuar. Më pëlqejnë vetëm bizhuteritë luksoze”. Kujtojmë që Adele dhe agjenti sportiv u takuan në një festë disa vite më parë dhe e bënë publike lidhjen e tyre në verën e vitit 2021. Muzikantja ishte e martuar më parë me biznesmenin Simon Konecki, babai i djalit të saj 9-vjeçar Angelo.

/abcnews.al