Ambasadori i Bashkimit Evropian në Kosovë, Tomas Szunyog ka thënë se rruga evropiane e Kosovës dhe Serbisë kalon kah dialogu për normalizimin e marrëdhënieve në mes të dy vendeve, shkruan Gazeta Express.
Ai tha se pret që palët të zbatgojnë marrëveshjen dhe aneksin pa parakushte dhe vonesa.
“BE pret që Kosova dhe Serbia të zbatojnë Marrëveshjen për Rrugën e Normalizimit dhe Aneksin e Zbatimit të saj pa asnjë vonesë apo parakusht”, tha ai.
Tutje përfaqësuesi i BE-së në Kosovë, deklaroi se janë të gatshëm që të ndihmojnë Kosovën që të afrohet me BE-në.
“E ritheksova se e ardhmja e Kosovës është padyshim në Bashkimin tonë dhe shtova se ne jemi të gatshëm të vazhdojmë ta ndihmojmë Kosovën të afrohet me BE-në dhe të shfrytëzojë mundësitë që ofron procesi i zgjerimit të BE-së”, ka shkruar ai në platformën ‘X’.
Sipas tij, duke qenë se zgjerimi është i bazuar në merita, tha se ritmi i reformave duhet të përshpejtohet.
“Kosova duhet të bëjë progres të prekshëm dhe të pakthyeshëm, duke filluar nga bazat, përkatësisht sundimi i ligjit, të drejtat e njeriut, ekonomia dhe funksionimi i institucioneve demokratike. BE pret që Kosova dhe Serbia të zbatojnë Marrëveshjen për Rrugën e Normalizimit dhe Aneksin e Zbatimit të saj pa asnjë vonesë apo parakusht”, shefi i Zyrës së BE-së në Kosovë, Tomas Szunyog. /Express
Noted that the European path of both #Kosovo & #Serbia goes through the EU-facilitated Dialogue & the normalisation of relations. The EU expects Kosovo & Serbia to implement the Agreement on the Path to Normalisation & its Implementation Annex without any delay or preconditions.
— Ambassador Tomáš Szunyog (@EUAmbKS) April 26, 2024
Thellë nga natyra e paprekur, në zemër të Bjeshkëve të Istogut, nga mali madhështor i Moknës, shtrihet një perlë...