Në Mitrovicë sot u mbajt fokus grupi “Hartimi i Strategjisë për Kulturë 2023-2025”

Arte

Gazeta Express

30/01/2023 16:03

Sot në hapësirat e Hotel Palace në Mitrovicë, u mbajt fokus grupi “ Hartimi i Strategjisë për Kulturë 2023-2025”.

Gjatë këtij takimi ku fasilitues ishin 7 Arte në bashkëpunim me DKRS, u punua drejt hartimit të një plani të veprimit për koordinimin, planifikimin dhe përmirësimin e politikave kulturore që do ti shërbenin hartimit të Strategjisë për kulturë 2023-2025, e që janë në interes të zhvillimit të jetës kulturore në Komunën e Mitrovicës. Poashtu u trajtua analiza e gjendjes faktike në sektorin e kulturës si dhe nevojat për ndërhyrje në gjendjen ekzistuese.

Në këtë takim morën pjesë përfaqësues të organizatave të shoqërisë civile si dhe përfaqësues nga institucione publike si DKRS.

Në fund të këtij fokus grupi frytdhënës, pjesëmarrësit u dakorduan për vazhdimsinë e takimeve të përbashkëta për përfundimin e pikave tjera të agjendës së paraparë.

Ky aktivitet u mbajt në kuadër të projektit “Partneriteti Publik Qytetar për Qeverisje Inovative të Infrastrukturës Publike në Pejë, Prizren dhe Mitrovicë” mbështetur nga Drejtoria për Kulturë Rini dhe Sport, Komuna e Mitrovicës.