Ylli i Anglisë bëhet lojtari më i ri në moshë që luan në Kampionat Evropian

Gazeta Express

13/06/2021 18:11

Jude Bellingham është bërë futbollisti më i ri që luan në Kampionatin Evropian, pasi u paraqit si zëvendësues në fitoren e Anglisë kundër Kroacisë të dielën në Euro 2020.

Mesfushori 17-vjeçar u fut në lojë nga banka rezervë duke e zëvendësuar sulmuesin Harry Kane në ndeshjen hapëse të Anglisë kundër Kroacisë në Grupin D, raporton Gazeta Express.

Njëkohësisht, ylli i Borussia Dortmundit e ka thyer edhe rekordin e Michael Owen, duke u bërë lojtari më i ri që e përfaqëson Anglinë në një turne të madh.

Tani, Bellingham është lojtari më i ri nga çfarëdo kombëtare që paraqitet në një Kampionat Evropian.

Ky rekord mbahej deri tani nga Jetro Willems, i cili ishte 18-vjeçar kur e përfaqësoi Holandën në Kampionatin Evropian 2012. /Gazeta Express/

At 17 years 349 days, Jude Bellingham is the youngest player to EVER make an appearance at the European Championships.

Here are 17 facts about the teenager to make you feel VERY old ?#ENG #ENGCRO #EURO2020 pic.twitter.com/ruXlotKQg9

— Goal (@goal) June 13, 2021