Rritja profesionale e futbollistëve shqiptarë po vazhdon të bjerë në sytë edhe të klubeve të tjera jashtë Kosovës e Shqipërisë.
Rritja e cilësisë në ligat vendore dhe konkurrenca, ka bërë që edhe vendet e rajonit e klubet më të forta të “peshkojnë” futbollistët cilësor.
Shembulli më i fundit është transferimi i futbollistit shqiptar, Erjon Vucaj nga klubi Drita tek skuadra Fc Decic e Malit të Zi.
31 vjeçari ka nënshkruar kontratë në kohëzgjatje prej 1.5 vitesh.
Menaxheri Dionis Dërdovski nga Dv Sport Consult është shprehur i lumtur me këtë transferim duke premtuar edhe lëvizje të tjera të talentëve shqiptarë në ligat e rajonit dhe ato evropiane.
Vucaj është i datëlindjes 1990 nga qyteti i Shkodrës.
Ai ka luajtur për disa skuadra në Shqipëri dhe së fundi është angazhuar për Dritën e Gjilanit. /Gazeta Express/