Sulmuesi i Kosovës i humb ndjenjat në fushë, dërgohet urgjentisht në spital

Futboll

Gazeta Express

24/10/2021 16:44

Sulmuesi kosovar Astrit Selmani është dërguar urgjentisht në spital, pasi i kishte humbur ndjenjat për disa çaste në një ndeshje te ekipit të tij Hammarby kundër Ostersunds të dielën.

Ylli i Kombëtares së Kosovës Selmani ishte titullar për Hammarby në takimin e ligës elitare të Suedisë kur ra në tokë pa ndjenja pas një goditjeje që e mori me bërryl nga kundërshtari, raporton Gazeta Express.

Incidenti ndodhi në minutën e 40-të të ndeshjes dhe pasi mori tretman në fushë dhe iu kethye vetëdija, 24-vjeçari u dërgua në spital, njofton klubi i tij.

Selmani – i cili debutoi për Kosovën në humbjen kundër Suedisë në një ndeshje kualifikuese për Kupën e Botës 2022 në shtator – do t‘iu nënshtrohet ekzaminimeve mjekesore në spital.

“Astrit Selmani i humbi ndjenjat për disa sekionda gjatë një përplasjeje në ndeshjen kundër Ostersund që po zhvillohet momentalisht. Përvec vetullës së carë, ai mund të ketë përjetuar edhe tronditje në kokë. Astriti është duke u dërguar në spital tani për ekzaminime të mëtejme”, thuhet në njoftimin e Hammarby.

Astrit Selmani förlorade medvetandet under ett par sekunder vid kollisionen i den pågående matchen mot Östersund. Utöver spräckt ögonbryn kan hjärnskakning inte uteslutas. Astrit förs nu till sjukhus för vidare undersökning. Ytterligare info när vi vet mer. pic.twitter.com/JhHUdhJktH

— Hammarby Fotboll (@Hammarbyfotboll) October 24, 2021

Hammarby po humbiste 2:3 kur Astriti u bart jashtë fushës, por ia doli të fitojë 4:3 në fund për t’u ngjitur në vendin e katërt në tabelën Allsvenskan me 40 pikë, shtatë më pak se lideri Djurgarden.

Selmani i ka bërë 23 paraqitje në ligë për Hammarby deri tani këtë sezon, duke kontribuar me katër gola dhe gjashtë asiste./Gazeta Express/