Sindikata e pavarur e Policisë gjyqësore kërkon përjashtim nga vendimi qeveritar me të cilin kufizohet pagesa e shtesave të rrogës për tërë sektorin publik, përveç për pjesëtarët e MPB-së, ARM-së dhe punonjësit shëndetësorë, përcjell GazetaExpress.
Sipas Vlladimir Litovski, kryetar i sindikatës së pavarur të Policisë gjyqësore të Maqedonisë, i cili njëlherit e përfaqëson shumicën e policëve gjyqësorë në shtet, anëtarët e kësaj sindikate, si profesionistë, gjithashtu njejtë janë të angazhuar dhe punojnë nga 24 orë çdo ditë.
“Punojmë me përgjegjësi dhe me vëllim të shtuar të obligimeve. Konsiderojmë se nuk duhet të ndahemi nga vendimet qeveritare të cilat vlejnë për MPB-në dhe ARM-në. Kërkojmë Qeveria në mbledhjen e parë të ardhshme të bëjë ndryshim dhe plotësim të këtij dekreti, në mënyrë që kufizimi i pagesës së shtesave dhe kompensimeve të mos i referohet policëve gjyqësorë të cilët në pajtim me ligjin, janë të punësuar në sektorin publik dhe janë nëpunës të autorizuar, njejtë si edhe pjesëtarët e MPB-së dhe ARM-së”, theksoi Litovski në konferencën për shtyp në Manastir./GazetaExpress/B.Lika/