Shoferi i autoambulancës pasi dërgoi tek Infektivi një të dyshuar për koronavirus

Gazeta Express

29/03/2020 21:34

Pasi dërgoi tek spitali Infektiv një person të dyshuar për koronavirus, shoferi i autoambulancës bën veprimin që nuk pritej.

Ai ka formuar shqiponjën me duar si për të treguar se jemi shqiptarë dhe do e kalojmë edhe këtë situatë me koronavirusin.

Në lidhje me këtë gjest ka reaguar edhe ministrja e Shëndetësisë Ogerta Manastirliu.

“Falënderim nga zemra për të gjithë personelin mbështetës në Qendrën e Urgjencës Kombëtare dhe gjithë spitaleve tona, që në këto orë të vështira po punojnë plot përkushtim për qytetarët, në mbështetje të mjekëve dhe infermierëve, në vijën e parë të luftës me Covid19”, shkruan ajo.

Kujtojmë që Shqipëria ka 212 persona të prekur nga koronavirusi, ndërsa 10 kanë humbur jetën./Express