Ka përfunduar me barazim pa gola ndeshja derbi e javës së 19-të në Premierligë. Ishin “Reds” qe patën iniciativën dhe posedimin, kurse në fund të ndeshjes ishte Alisson qe e shpëtoi Liverpoolin nga humbja me pritje fantastike.
Me këtë barazim, “Djajtë e Kuq” mbesin lider në tabelë me 38 pikë, kurse kampioni në fuqi, Liverpool ka tri më pak.
Kujtojmë se kjo është ndeshja e katërt e Liverpoolit në Premierligë që nuk po arrin të shënojë fitore.
Në xhiron e ardhshme Liverpool e pret Burnleyn, kurse Manchester United i shkon Fulhamit.
Nga ky barazim, fituesi më i madh mund të jetë Manchester City, i cili në rast të fitores sonte do t’u afrohej shumë në renditjen tabelare./Gazeta Express/