Haradinaj: Për ndarjen e Kosovës bëhej fjalë për 50 miliardë euro dhe Trepçën si pjesë e Serbisë

Gazeta Express

28/01/2020 22:26

Kryeministri në detyrë, Ramush Haradinaj, në emisionin Pressing të T7, ka thënë se në çështjen e temës së korrigjimit të kufijve, bëhej fjalë për 50 miliardë euro dhe Trepçën si pjesë e Serbisë.

“Bëhet fjalë për 50 miliardë euro, sepse s’ka logjikë me ia jep Trepçën Serbisë pa diçka, unë besoj që prapa këtyre skenarëve ka plot argumente”, është shprehur Haradinaj.

Ai tha se kryeministri i Shqipërisë, Edi Rama, i ka ofednuar udhëheqësit e Kosovës në prani të presidentit të Serbisë, Aleksandër Vuçiqit.

“Nuk është situatë e mirë që para Vuçiqit me i ofendu udhëheqësit e Kosovës”, ka thënë Haradinaj.

“Mendoj që mbajtja gjallë e kësaj teme është me një prapavijë se nuk mendoj që vjen krejt rastësisht”, shtoi Haradinaj.