Pas suksesit të sezonit të kaluar emisioni “Style Star Show” ka hapur audicionet për sezonin e dytë. Audicionet në Shqipëri do të mbahen më datë 21 dhjetor, teksa në Kosovë më 8 janar.
I vetmi spektakël i modës në televizionet shqiptare, Style Star Show kishte arritur që në kohë rekord të marrë pëlqyeshmërinë e shikuesve duke sjell risi në ekranet e T7 dhe ABC, shkruan Express.
Në këtë sezon nuk do të ketë vetëm vajza, por pjesëmarrës do të jenë edhe djem të cilët janë të pasionuar pas modës.
Spektakli tashmë ka publikuar promon për sezonin e ri dhe në pak sekonda vërejmë se na pret një sezon i mbushur me befasi, stil e edhe zënka e debate mes konkurrenteve të ri e jurisë që përbehet nga Miranda Dupi e Niko Komani.
Ky program është nën autorësinë dhe prezantimin e Kiara Titos, e cila ia shton edhe më shumë madhështinë këtij shou./GazetaExpress