Reali i afrohet edhe më shumë yllit të Premierligës

Futboll

Gazeta Express

02/04/2026 21:06

Real Madridi po planifikon të forcojë disa pozicione në skuadrën e Alvaro Arbeloas gjatë merkatos së verës, me një nga prioritetet kryesore qendërmbrojtjen.

Kontrata e David Alabas skadon në qershor, dhe me mundësinë që edhe Antonio Rudigeri të largohet, një ose dy blerje janë të nevojshme.

Në javët e fundit, shumë është folur për interesin e Real Madridit për Nico Schlotterbeckun, i cili duket i vendosur të largohet nga Borussia Dortmundi në verë.

Ai është në listë, por e njëjta gjë mund të thuhet edhe për Ibrahima Konaten.

Real Madridi fillimisht e kishte përjashtuar mundësinë e nënshkrimit të Konates gjatë sezonit, por ai është rikthyer në axhendë.

Sipas “Marca Diario”, një marrëveshje për ta sjellë francezin te Real Madridi po afrohet, pasi ai ende nuk ka firmosur rinovimin me Liverpoolin.

Kontrata e Konates përfundon në fund të sezonit dhe ai ende nuk ka vendosur se ku dëshiron të luajë sezonin e ardhshëm.

Mundësia e qëndrimit te Liverpooli nuk është mbyllur plotësisht, por çdo ditë që kalon duket më pak e mundshme, gjë që favorizon Real Madridin.

Sa i përket zëvendësimit të Alabas, nuk ka dyshim se Konate do të ishte një përmirësim i madh.

Ai nuk ka pasur sezonin më të mirë me Liverpoolin këtë sezon, por në formën e tij më të mirë, konsiderohej ndër mbrojtësit kryesorë të Premierligës.

Real Madridi shpreson se ai do të rikthehet në atë nivel nëse firmos këtë verë.

Për momentin, situata e Konates mbetet e pasigurt, por kjo favorizon Real Madridin.

Nënshkrimi i tij si agjent i lirë do të ishte një blerje e shkëlqyer, duke lejuar gjithashtu që më shumë fonde të përdoren për forcuar pozicione të tjera të skuadrës së parë gjatë merkatos./GazetaExpress/