Referendumi në Serbi, T7 raporton nga veriu

Lajme

Gazeta Express

16/01/2022 21:12

Në shenjë pakënaqësie për mos mbajtjen e referendumit, serbët protestuan të dielën në Mitrovicën Veriore dhe qytete të tjera.

Gazetare:Arianitë Zhegrova

Po bëhen bashkë te njëra nga vendvotimet më të mëdha të Mitrovicës Veriore.

Mirëpo pas vendimit të Qeverisë për mos mbajtjen e referendumit, serbet nuk do të hyjnë brenda për të votuar.

Nga shkolla teknike u nisën drejt sheshit.

Në këtë formë ata e improvizuan votimin e ndryshimit të kushtetutës në shtetin serb.

Në mesin e qindra qytetarëve që po protestojnë është edhe ministri për kthim dhe komunitete në Qeverinë e Kosovës, Goran Rakiq.

I cili kërkoi mbështetje të ndërkombëtarëve për serbët e Kosovës.

Rakiq tha pas datës 3 prill do të merren masat të reja nga shteti serb nëse nuk do të lejohen të votojnë herën tjetër.

Pas disa minutave protestë, serbët u larguan.

Disa kilometra larg qendrës, rrugës për në pikat kufitare Jarinje dhe Bërnjak, u vendosën autoblindat e Njësisë Speciale.

Gjatë ditës, dhjetëra autobusë u nisën drejt Serbisë për të votuar.

Qytetarët serbë nga Kosova, në Rashkë shfrytëzuan të drejtën e tyre për votim.

Por krahas pakënaqësisë të qytetarëve serbë që nuk pranonin as ta komentonin mos mbajtjen e referendumit, shqiptarët në jug të Mitrovicës u shprehen shumë të kënaqur për vendimin e Qeverisë.

Gjendja në Veriu e Mitrovicës vazhdoi të jetë e qetë gjatë ditës, kurse protesta me numër simbolik pjesëmarrësish pati edhe në disa qytete tjera me shumicë serbe.

VIDEO