Ish-kampioni i padiskutueshëm i botës në peshat e mesme, Marvin Hagler, ka vdekur në moshën 66-vjeçare. Familja e tij njoftoi se ai vdiq papritmas.
Amerikani e mbizotëroi divizionin e kategorisë së mesme nga viti 1979 deri kur pësoi humbje nga Sugar Ray Leonard në prill të vitit 1987, transmeton Gazeta Express.
“Sot, fatkeqësisht bashkëshorti im Marvelous Marvin vdiq papritmas në shtëpinë e vet këtu në New Hampshire”, ka thënë bashkëshortja e tij Kay Hagler.
Hagler i zhvilloi 67 luftëra gjatë karrierës së vet profesionale që zgjati 14 vjet.
Ai i fitoi 62 prej tyre, 52 me nokaut, deri barazoi në dy të tjera dhe u mposht tri herë.
Hagler e mbrojti titull suksesshëm plot 12 herë dhe e fitoi në mënyrë të famshme luftën klasike të njohur si “Lufta” kur e mposhti Thomas Hearnsin në prill të vitit 1985.
/Gazeta Express/