Vendimi për konvertimin e patentë shoferëve, edhe Ambasada italiane përgëzon Qeverinë

Lajme

Gazeta Express

10/05/2024 14:38

Ambasada e Italisë në Kosovë ka përgëzuar Qeverinë e Kosovës për krijimin e lehtësirave në procedurën e ndërrimit të patentë shoferit nga ata jolegalë të lëshuar nga strukturat jolegale serbe në ata të Republikës së Kosovës.

“Ambasada e Italisë në Prishtinë përgëzon Qeverinë e Kosovës për përpjekjet e saj në lehtësimin e procedurave për të gjithë qytetarët për marrjen e patentë shoferit. Ne mbështesim iniciativat që nxisin integrim më të madh dhe nxisin vizionin tonë të përbashkët për një Kosovë të larmishme dhe gjithëpërfshirëse”, ka shkruar ambasada.

Ky proces i konvertimit do të fillojë nga sot, ndërsa Ministria e Punëve të Brendshme ka treguar procedurën se si do të bëhet ky proces./Express/