Rrjeti social “Twitter” është gati të pranojë ofertën për shitjen e kompanisë për rreth 43 miliardë dollarë. Çmim të cilin shefi ekzekutiv i Tesla-s, Elon Musk e ka quajtur si “më të mirin e tij dhe oferta përfundimtare” për kompaninë e mediave sociale, thanë njerëz të njohur me këtë çështje.
Twitter mund të njoftoi për marrëveshjen prej 54.20 dollarësh për aksion gjatë ditës së hëne pasi bordi i tij të jetë mbledhur për t’ua rekomanduar transaksionin aksionarëve të Twitter, thanë burimet për “Reuters”.
Është gjithmonë e mundur që marrëveshja të shembet në minutën e fundit, shtuan burimet.
Musk, personi më i pasur në botë sipas një raporti nga Forbes, është duke negociuar për të blerë Twitter në një kapacitet personal dhe Tesla nuk është e përfshirë në marrëveshje.