Thomas Tuchel u shpreh i zhgënjyer pas barazimit të Bayern Munichit me Real Madridin, në ndeshjen e parë gjysmëfinale në Ligën e Kampionëve.
Ndeshja e zhvilluar sonte në “Allianz Arena” përfundoi me rezultatin 2:2, shkruan Gazeta Express.
Ky rezultat lë gjithçka të hapur për ndeshjen e kthimit, që do të zhvillohet më 8 maj, në “Santiago Bernabeu”.
“Ne filluam shumë mirë dhe mund të kishim epërsi. Më pas nuk i qëndruam planit tonë. Nuk e di as pse. Më pas pranuam golin dhe u bë e vështirë”, tha Tuchel pas ndeshjes për “PrimeVideo”.
“Ishte më mirë në pjesën e dytë. Ne treguam më shumë guxim. Bëmë 2:1, pastaj kishim ende shumë raste dhe duhej të kishim shënuar një gol të tretë. Ndjenjë e çuditshme. Ata i kthejnë dy raste në dy gola”, shtoi trajneri gjerman.
Rreth ndeshjes së kthimit, Tuchel tha: “Është ende një ndeshje 50-50, jam i sigurt. Ne duam të shkojmë në Madrid, të fitojmë dhe të shkojmë në Wembley”.
/Gazeta Express/
Hekurat për rroba janë bërë një pjesë thelbësore e çdo shtëpie, duke ofruar prakticitet dhe efikasitet të lartë në...