Të gjitha çmimet e Festivalit të Teatrit Shqiptar ‘Moisiu’

Arte

Gazeta Express

29/11/2022 13:32

Festivali i teatrove shqiptare, i cili këtë vit u mbajt në Shkup, mblodhi për ditë me radhë regjisor, dramaturgë, aktorë e artdashës nga të gjitha trojet shqiptare. Ky festival u mbajt nga datat 16 deri më 27 nëntor dhe në të morën pjesë numër i madh shfaqjesh duke përfshirë këtu edhe prodhim të teatrove të Kosovës.

Festivali do të mbahet në rotacion Tiranë, Shkup, Prishtinë, vitin tjetër do të mbahet në Prishtinë.

Më poshtë janë emrat e jurisë dhe çmimet e ndara:

Juria në përbërje: Bajrush Mjaku, Luiza Xhuvani, Spiro Duni, Melihate Qena dhe Adrian Morina vendosi:

– Shfaqja më e mirë: TRI MOTRAT, Teatri Shqiptar Shkup

– Regjia më e mirë: QËNDRIM RIJANI, “Tri motrat” Teatri Shqiptar Shkup

– Aktorja më e mirë: ILIRE VINCA, “Babai dhe babai”, Teatri INTEGRA Prishtinë

– Aktori më i mirë: SOTIRAQ BRATKO, “Tregtari i Venedikut”, Teatri “Andon Zako Çajupi”, Korçë

– Aktorja joprotagoniste më e mirë: ELIA ZAHARIA, “Ivanovi”, Teatri Kombëtar i Tiranës

– Aktori joprotagonist më i mirë: ALFRED TREBICKA, “Ivanovi”, Teatri Kombëtar i Tiranës

– Artisti i ri më i mirë: KOSOVARE KRASNIQI, “Babai dhe babai”, Teatri INTEGRA Prishtinë

– Çmimi i karrierës: LURAN AHMETI

– Kostumografia më e mirë: SOFI KARA, “Ivanovi”, Teatri Kombëtar i Tiranës

– Skenografia më e mirë: BEQO NANAJ, “Tregtari i Venedikut”, Teatri “Andon Zako Çajupi”, Korçë

– Kompozimi muzikor më i mirë: TRIMOR DHOMI, “Tri motrat” Teatri Shqiptar Shkup

– Çmimi i dramës shqipe: “BABAI DHE BABAI” JETON NEZIRAJ

/Express