Sot në hapësirën e Kino Armata shfaqet “2+1 dokumentarë mbi arkitekturën moderne në Kosovë” me autore Flaka Xërxa Beqiri.
Duke filluar nga ora 19:00, në Kino Armata mund të ndiqni tre dokumentarë të shkurtër mbi objekte të përzgjedhura të arkitekturës moderne.
Dokumentari “Ngjyrat” mbi ndërtesën e Bankosit, Pejë, “Vijat” mbi ndërtesën e Pallatit të Rinisë dhe Sporteve, Prishtinë dhe dokumentari “Kupollat” mbi ndërtesën e Bibliotekës Kombëtare.
Pas shfaqjes së dokumentarëve do të zhvillohet një diskutim mbi rëndësinë e dokumentimit të trashëgimisë moderne.
Projekti mbështetet nga Ministria e Kulturës ndërsa autore është Flaka Xërxa Beqiri.
/Express/