Reagon Xhelal Sveçla pas arrestimit të zyrtarit policor i cili nuk përfilli urdhrat lidhur me pandeminë

Gazeta Express

08/04/2020 13:23

Ushtruesi i detyrës së ministrit të Punëve të Brendshme dhe Administratës Publike, Xhelal Sveçla, ka reaguar pas lajmit që Inspektorati Policor i Kosovës ka bërë suspendimin e një zyrtari të Policisë së Kosovës.

Sveçla përmes një postimi në Facebook ka thënë se si ushtrues i detyrës së ministrit do të inkurajojë të gjitha institucionet, që të jenë të pakompromis ndaj të gjithë atyre që bëjnë shkelje të ligjit.

Tutje, ai ka shtuar se ky rast është i dënueshëm dhe ka kërkuar nga të gjitha organet që ta trajtojnë me seriozitetin më të madh sipas të gjitha dispozitave ligjore në fuqi.

“Inspektorati Policor i Kosovës më ka njoftuar për suspendimin e një zyrtari të Policisë së Kosovës, që nuk ka përfillur urdhrat bazuar në vendimet qeveritare lidhur me pandeminë Covid 19. Si u.d ministër do të inkurajoj të gjitha institucionet e zbatimit të ligjit që të jenë të pa kompromis ndaj të gjithë atyre që bëjnë shkelje të ligjit, dispozitave ligjore dhe urdhrave të Qeverisë. Ky rast është i dënueshëm dhe kam kërkuar nga të gjitha organet që ta trajtojnë me seriozitetin më të madh sipas të gjitha dispozitave ligjore në fuqi”, ka shkruar Sveçla në Facebook.