Këtë të martë trupi i pajetë i një të riu është gjetur në afërsi të ish hotel Vollgës, të cilin policia e indentifikoi si një refugjat sirian që qëndronte në Shqipëri prej disa kohësh.
Policia ka reaguar sërish për lajmin, duke saktësuar se shkak i vdekjes së tij ka qenë rënia nga lartësia, pasi 20 vjeçari mësohet se ishte strehuar në ambientet e godinës së ish hotel Vollgës.
Më datë 02.06.2020, në orën 06:30, në lagjen nr. 1, Durrës, është gjetur i pajetë një shtetas sirian, rreth 20 vjeç, i cili dyshohet të ketë rënë nga kati i 3-të i ish-hotel Vollga, aktualisht i pabanueshëm, në të cilin ai strehohej. Nga këqyrja e ambientit u gjendën disa sende personale dhe telefoni i tij. Nga kryerja e veprimeve të para hetimore dhe ekspertiza e mjekësisë ligjore dyshohet se ky shtetas ka ndërruar jetë për shkak të rënies nga lartësia. Grupi hetimor po punon për identifikimin e personit dhe shkaqet e ngjarjes. Materialet i kaluan Prokurorisë së Rrethit Gjyqësor Durrës, për hetime të mëtejshme.’-njofton policia.
Më poshtë disa pamje nga vendngjarja, kujdes imazhe të rënda!/Express