Tentoi të kalonte Kakavijën i infektuar me Covid, gjobitet me 700 000 lekë

Shqiperi

Gazeta Express

27/11/2020 14:29

Një 65 vjeçar nga Elbasani tentoi të kalonte doganën e Kakavijës i infektuar me Covid, por pas kontrollit në anë greke është gjobitur me 700.000 lekë.

NJOFTIMI I PLOTË

Procedohet penalisht në gjendje të lirë 1 shtetas, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.

Ditën e sotme u referuan materialet hetimore në Prokurorinë e Rrethit Gjyqësor Gjirokastër, për shtetasin V. Ll., 65 vjeç, banues në fshatin Lumas, Elbasan, pasi gjatë kontrollit të ushtruar në vijën e dytë në PKK Kakavijë, pas kontrollit të dokumentit të PCR ka rezultuar pozitiv me SARS – COV 2, sipas analizave të një laboratori në një klinikë private.

Gjithashtu, këtij shtetasi i është vendosur edhe masa administrative në vlerën 700.000 lekë.