Mjekët e Podujevës rezultojnë negativë për Covid-19

Gazeta Express

28/03/2020 22:53

Dhjetë mjekëve e infermierëve të Qendrës Klinike të Mjekësisë Familjare në Podujevë u janë marrë mostrat dhe të gjitha sonte kanë rezultuar negative në Covid-19.

Rastin e ka konfirmuar Fahri Llugaliu, ushtrues detyre i Drejtorit në QKMF të Podujevës.

“Sonte janë marrë dhjetë mostra nga mjekë dhe infermierë në QKMF të Podujevës, për fat të mirë, të gjitha kanë rezultuar negative”, tha Llugaliu për koha.net.

Ky personel i QKMF-së dyshohej se kishin pasur kontakte me të infektuarit.

Në Podujevë, deri tash janë të infektuar 4 persona me koronavirusin Covid-19, ndërsa është regjistruar edhe një viktimë.