“Lautaro duhet ta refuzojë Barcelonën për Interin, ose të shkojë në Real Madrid”

Gazeta Express

06/06/2020 15:55

Sneijder ka kërkuar nga Martinez që të qëndrojë në Itali.

Wesley Sneijder, njeriu që shkroi historinë me Interin në sezonin debutues në Itali, i ka dërguar një mesazh sulmuesit të shumë përfolur, Lautaro Martinez.

Ai ka kërkuar nga Martinez që tani për tani të mos marrë ndonjë vendim, duke e këshilluar të qëndrojë në Itali, ose të shkojë në Madrid.

“Besoj fuqishëm se ai duhet të qëndrojë në Itali”, i tha ai Di Marzios. “Ai ka potencial të bëhet një ndër më të mirët, por së pari duhet të fitojë diçka me Interin”.

“Do të vijë kohë për të bërë gjithçka. Ai mund të luajë për Barcelonën, por nëse vërtet dëshiron të largohet atëherë do të preferoja që ai të shkojë në Real”. /Gazeta Express/