Incidenti ndaj Berishës, Meta: Kryeministri nxori fytyrën e vërtetë

Shqiperi

Gazeta Express

06/12/2022 18:06

Kryetari i Partisë së Lirisë, Ilir Meta ka dalë në një konferencë për mediat këtë pasdite ku dhe ka komentuar protestën e sotme të opozitës si edhe incedentin ndaj Berishës.

Gjatë fjalës së tij, kreu i PL-së u shpreh se sipas tij atentati mafioz ndaj Berishës ishte i orkestruar nga Rama.

Sipas Metës, opozita sot tregoi se ka vizionin për të shporrur këtë sekt kriminal nga pushteti.

“Duke falenderuar qytetatarët, duke të falenderoj Berishën, për atë menaxhim të shkëlqyer që i bëri sot atentatit mafioz të orkestruar vetëm nga Edvin Kristaq Rama, që kishte nje qëllim, të devijonte një protestë tërësisht paqësore në një manisfestim dhune me viktima. Eshtë e qartë që sot Edi Rama për të fajësuar opozitën si shkaktare të dhunës, nxori fytyrën e tij të vërtetë.

Sot Edi Rama, u tregoi të gjithë shqiptarëve, se është anemiku më i madh i paqes sociale në vend. Që është pasuesi me bastard i një regjimi që i shkaktoi vendit drama për 5 dekada dhe që është pengmarrësi i të ardhmes Europiane të Shqipërisë.

Sot opozita tregoi se ka të gjithë vizionin, vetëpërmbatjen dhe qendrueshmerine e duhur për ta shporrrur këtë sekt kriminal, që shkatërron bashkëjetesën sociale, përdhos kushtetutën dhe bllokon integrimin europian për interes të mafias“, u shpreh Meta.

Teksa është pyetur rreth personit i cili sulmoi ish-kryeministrin Berisha, nëse ai vuante nga probleme mendore, Meta u përgjigj duke thënë se Gert Shehi është bashkëpunëtor i policisë kriminale, dhe sipas tij kartela është justifikim.

Probleme mendore apo sulm i kooordinuar?

“Mund të them se kemi të bëjmë me një aksion të mirëorganizuar shtetëror dhe policor, ai është bashkëpunëtor i policisë kriminale. Është kamufluar si pjesë e medias dhe në një moment të caktuar ka bërë veprime pa gjakftohtësi. Për sa i takojnë alibie të kartelave janë justifikuese. Ai ishte vetë Edi Rama njeri pa besë, burracak dhe shkelës i kushtetutës dhe kodit moral. Kjo nuk justifikohet as me kartelë”, u shpreh ai.

/Gazeta Express