Hetuesit e Speciales ia marrin sërish dosjet OVL-UÇK-së

Gazeta Express

22/09/2020 14:14

Kryetari i Organizatës së Veteranëve të UÇK-së, Hysni Gucati, ka bërë të ditur se dosjet e dërguara sot në zyrat e organizatës është marrë nga hetuesit e Dhomave të Specializuara.

Përmes një konference për media, ai ka thënë se hetuesit e kanë pranuar se materiali është i Prokurorisë Speciale.

Edhe avokati Tomë Gashi ka thënë se dokumentacioni është origjinal dhe ka të bëjë me hetim penal.

Ai tutje ka shtuar se Policia dhe Prokuroria nuk janë involvuar se si janë dërguar dokumentacionet në zyrat e OVL-UÇK-së.