Kryetari i KF Ulpiana, Jeton Gashi, është përjashtuar nga organizata e futbollit.
Kështu ka njoftuar sot Federata e Futbollit e Kosovës (FFK), e cila ka publikuar vendimet që mori Komisioni Disiplinor dhe i Etikës, shkruan Gazeta Express.
Ky vendim vije pasi nga FFK-ja u vërtetua se Gashi ka qenë i përfshirë direkt në kurdisje. Klubi nga Lipjani ishte përjashtuar javë më parë nga Liga e Parë, shkak i kurdisjes së ndeshjes ndaj Vllaznisë. I njëjti vendim ishte marrë edhe ndaj klubit nga Pozherani.
Tani, sipas FFK-së, Jeton Gashi dyshohet se ka qenë i përfshirë edhe në kurdisje të disa ndeshjeve tjera.
Komisioni i FFK-së në arsyetim përmendi deklaratat e ish-nënkryetarit të Ulpianës, Liridon Kozhanit, dhe njërit prej futbollistëve.
Masa që u mor ndaj Jeton Gashit u rëndua edhe më shumë pas deklaratave të tij në emisionet sportive, përfshirë emisionin “Favorit” në T7, ku mes tjerash ai thoshte se “FFK-ja vendos se kush bëhet kampion dhe kush bie nga liga”.
Vendimi:
/Gazeta Express/
Egi Group ka lansuar kampanjat shpërblyese për produktet nga Pi&Ki ku me blerjen e produkteve ju keni mundësi të...