Familja Jackson nuk gjen qetësi, krejt kjo shkaku i pasurisë së “Mbretit të popit”

Yjet

Gazeta Express

22/08/2024 22:33

Gjykata e Apelit në Kaliforni refuzoi apelin e nënës së Michael Jackson dhe ka vendosur që ekzekutuesit e pasurisë së yllit të popit mund të vazhdojnë me shitjen e 50% të të drejtave të tij muzikore te Sony Music për 600 milionë dollarë.

Një muaj pas lëshimit të një urdhri të përkohshëm kundër Kathryn Jackson, gjykata vendosi që të besuarit e pasurisë, John Branca dhe John McClain, nuk shkelën kushtet e testamentit të yllit kur nënshkruan marrëveshjen gjigante me Sony.

“Testamenti u dha të besuarve kompetenca të gjera shitjeje, pa asnjë përjashtim për asetet specifike që janë objekt i kësaj çështjeje”, thuhet në vendimin e gjykatës së apelit.

 “Prandaj, [gjyqtari më i ulët] nuk gaboi në përfundimin se ishte qëllimi i Michael që t’i lejonte administruesit të shesin çdo pasuri, përfshirë ato që lidhen me transaksionin e propozuar.”

Gjykata gjithashtu hodhi poshtë ankesën e Jackson me arsyetimin se ajo nuk kishte paraqitur argumentet e saj në gjykatën e mëparshme.