Në Klinikën e Gjinekologjisë në Prishtinë, një vajzë e lindur më 2006 ka lindur të hënën.
Nuk është hera e parë, që në këtë hapësirë merr trajtim një vajzë e mitur.
Në Klinikën e Gjinekologjisë, në QKUK, 14 vjeçarja me inicialet M.M. nga Mitrovica, është pranuar këtu për të realizuar lindjen.
Pasdite, e njëjta është bërë nënë.
Kështu konfirmon, drejtori i Klinikës së Gjinekologjisë, Jakup Ismajli.
Ismajli thotë se kanë ftuar në konsultim edhe Policinë.
Foshnja e gjinisë femër, ka lindur para kohe. Por që drejtori i Klinikës Neonatologjike Xhevdet Gojnovci, pohon se gjendja shëndetësore e saj është stabile.
Prandaj, është rekomanduar edhe lirimi i saj në shtëpi.
E mitura është e lindur në Shqipëri dhe e njëjta është e martuar në qytetin e Mitrovicës.
Gjatë vitit të kaluar, në Klinikën Gjinekologjike kanë lindur 4 vajza të moshës nën 18 vjec.