Brazili e ‘blindon’ Ancelottin me kontratë të re

Futboll

Gazeta Express

13/12/2025 0:05

Edhe pse nuk ka pasur asnjë shenjë se Real Madridi synon rikthimin e Carlo Ancelottit, situata merr një notë ironike pikërisht tani që Brazili ka vendosur të sigurojë të ardhmen e italianit në të njëjtën periudhë kur pozita e Xabi Alonsos te “Los Blancos” po bëhet gjithnjë e më e brishtë.

Trajneri bask rrezikon shkarkimin nëse nuk fiton kundër Alaves këtë të diel.

“Selecao” kishte tentuar dy herë të merrte Ancelottin gjatë mandatit të tij te Real Madrid, por përkushtimi i tij ndaj klubit i detyroi të prisnin deri sa ai të shkarkohej.

Edhe pas kësaj, Ancelotti firmosi vetëm për 18 muaj – deri në Kupën e Botës 2026.

Sipas “Diario AS”, Brazili tashmë ka vendosur ta lidhë afatgjatë të ardhmen me Ancelottin, duke i ofruar një rinovim katërvjeçar deri në vitin 2030, që mbulon edhe ciklin e ardhshëm të Kupës së Botës.

Kontrata pritet të nënshkruhet së shpejti dhe në skadimin e saj tekniku do të jetë 71 vjeç.

Pavarësisht ndryshimit në krye të CBF, presidenti i ri Samir Xaud ka vendosur të mbështesë Ancelottin, i cili do të mbetet ndër trajnerët më të paguar në botë.

Ndërkohë në Madrid, aty ku Ancelotti u largua pasi nuk arriti të zgjidhte problemet e sezonit të kaluar, Alonso po has vështirësi të njëjta.

Fillimi i mandatit të tij u karakterizua nga një stil ndryshe loje – presion i lartë dhe qasje më metodike – por javët e fundit skuadra është kthyer te ide më të hapura e fluide sulmuese, të ngjashme me ato të Ancelottit.

Në pamje të jashtme, Alonso duket se ka zbutur qëndrimet taktike për të qetësuar një dhomë zhveshjeje të pakënaqur./GazetaExpress/