Ndeshja e parë gjysmëfinale e Digitalb Kupës së Kosovës, e zhvilluar sot në Suharekë ndërmjet Ballkanit dhe Feronikelit ka përfunduar baras, 0:0
Ballkani dhe Feronikeli kanë barazuar pa gola, 0:0 në ndeshjen e parë gjysmëfinale të Digitalb Kupës së Kosovës në futboll, shkruan Gazeta Express.
Skuadra nga Drenasi është treguar më e rrezikshme në ndeshjen e zhvilluar sot në Suharekë edhe pse topin e kanë kontrolluar vendësit.
Mendurim Hoti ka rrezikuar dy herë, ndërsa nga një rast e patën edhe Mevlan Zeka e Lapidar Lladrovci.
Kurse, Mirlind Daku e pati një rast për vendësit në minutat shtesë.
Rezultati i ndeshjes së sotme e lë të hapur kualifikimin dhe gjithçka do të vendoset në ndeshjen e kthimit, e cila do të zhvillohet pas dy javësh në Drenas.
Kjo ndeshje është zhvilluar pa praninë e shikuesve, edhe pse ekipi Portokalli është përkrahur nga tifozët “Xhebrailat” nga jashtë stadiumit.
Paraprakisht, dje Prishtina e mundi Drenicën me rezultat 3:0 në kryeqytet. /Gazeta Express/