“Ajo ishte një yll, donim të kishim fëmijë”, flet i dashuri i mjekes shqiptare që vdiq në Gjermani

Shqiperi

Gazeta Express

19/01/2021 10:12

Eneida Doko është mjekja shqiptare e cila fatkeqësisht humbi jetën në një aksident tragjik në Gjermani. Për mediat gjermane ka folur i dashuri i mjekës.

I dashuri i saj, po mjek në profesion ka thënë për mediat gjermane se me Eneidën dëshironte të martohej dhe kishin bërë plane për fëmijë.

“Ajo ishte një yll, shkëlqente, lëshonte lumturi dhe dashuri kudo. Donim të martoheshim, të kishim fëmijë”, është shprehur partneri i saj.

Ndërkohë bëhet me dije se Eni ishte mjeke psikiatre dhe u largua nga Shqipëria në vitin 2016.

Sipas partnerit të saj, ajo fliste në mënyrë të shkëlqyer 5 gjuhë dhe gjermanishten kishte arritur ta mësonte për një vit.

“Ajo zotëronte rrjedhshëm pesë gjuhë dhe gjermanishten e mësoi vetëm për një vit”, ka thënë ai.

Mësohet se mjekja po udhëtonte me mjetin e saj tip “Benz”, e për shkak të shpejtësisë ka dalë nga rruga dhe është përplasur me një ishull trafiku.