Ronaldo: Do të nënshkruaja tash për një finale me Realin

Gazeta Express

12/12/2019 23:03

Cristiano Ronaldo ëndërron që të udhëheqë Juventusin drejt triumfit në finale të Ligës së Kampionëve ndaj ish-skuadrës Real Madrid, këtë stinor, raportoi “Sky”.

Ylli portugez ka fituar Ligën e Kampionëve pesë herë, katër prej tyre me Real Madridin mes viteve 2014 e 2018.

Ai i është bashkuar Juventusit për 100 milionë euro 18 muaj më parë, por u eliminua në çerekfinale të Ligës së Kampionëve nga Ajaxi.

“Real Madridi është një skuadër e jashtëzakonshme, por më me qejf do të luaja ndaj Realit më vonë. Do të jepja nënshkrimin tash për një finale me Realin. Do të ishte ëndërr”, ka thënë Ronaldo.