Dua Lipa “dramatike” në paraqitjen e saj gjatë Javës së Modës në Paris

Yjet

Gazeta Express

28/01/2025 20:22

Dua Lipa hoqi mantelin e saj të zi në mënyrë dramatike të zi  duke bërë një ndryshim të shpejtë veshjeje,  ndërsa u largua nga shfaqja e Chanel-it në Javën e Modës në Paris.

Këngëtarja e hitit “New Rules”,  ishte ndër të pranishmet në shfaqjen e koleksionit pranverë-verë 2025 të Chanel-it, e mbajtur si pjesë e Javës së Modës Haute Couture në Paris të martën.

Dua u duk mahnitëse teksa mbërriti me një mantel të gjatë, të zi dhe me shkëlqim, të qepur si një batanije, që lidhej në qafë me një fjongo prej kadifeje, duke zbuluar pjesërisht një bluzë dantelle me rrip diamanti dhe një fund të shkurtër me shifon të mbështjellë.

Ajo iu bashkua yllit të “Nosferatu”, Lily-Rose Depp, dhe aktores franceze Marion Cotillard në rreshtin të yjeve që defiluan në pistë.

Flokët e saj të zeza ishin të krehura pas shpatullave dhe të rregulluara, gjysmë të ngritura dhe të lidhura me një fjongo prej kadifeje të zezë, ndërsa kishte veshur një koleksion vathësh diamanti.

Kur shfaqja përfundoi, Dua doli nga ambienti pa mantelin dhe kishte veshur një xhaketë të stiluar të Chanel-it prej stofi dhe një fund të prerë në formë A.

Ajo kompletoi veshjen me një palë geta të zeza të holla dhe taka të hapura, duke e shoqëruar me një çantë të zezë Chanel me litar të mbledhur.

Pamja e saj mahnitëse vjen vetëm një javë pasi raportet sugjeruan se Dua ishte tronditur pasi fansat hynë në mënyrë të paligjshme në hotelin e saj dhe prisnin jashtë derës së dhomës së saj.

Ajo ishte akomoduar në hotelin me pesë yje Ritz-Carlton në Santiago, Kili, pasi kishte fluturuar në Amerikën e Jugut për të xhiruar një reklamë.

Sipas “The Sun”, fansat u gjetën duke pritur për Duan jashtë derës së dhomës së saj, ndërsa të tjerë ishin gjithashtu te ashensori pasi kishin arritur të hynin në hotel.

Mendohet se ky incident ka bërë që të rishikohet urgjentisht siguria e Duas.

Një burim i tha gazetës: “Gjërat ishin kaotike sapo ajo mbërriti, me fansat që dëshironin me ngulm ta takonin. Një grup fansash arritën jo vetëm në katin e saj, por disa u gjetën duke pritur jashtë të dera e dhomës së saj”.

“Sigurimi përfundoi duke bërë një kontroll shtesë dhe pati edhe më shumë fansa që prisnin te ashensori. Dua tha se nuk do të bënte foto brenda hotelit të saj”.

MailOnline ka kontaktuar një përfaqësues të Dua Lipës për komente.

Dua kishte fluturuar në Kili së bashku me grimeren e saj Katie Jane Hughes dhe ekzekutiven e modës Olivia Moss.

Në Instagram, Dua ndau një koleksion fotosh nga një natë e mbushur me argëtim gjatë udhëtimit, duke përfshirë një tabaka me shishe tekila të ndezura me flakë dhe tregoi edhe unazën e saj “të fejesës”.

Thuhet se ajo është fejuar me aktorin Callum Turner, 34 vjeç, pasi ai “iu ul në gjunjë për një propozim romantik” gjatë Krishtlindjeve – edhe pse asnjëri prej tyre nuk e ka konfirmuar këtë lajm.

Dua e titulloi postimin: “Faleminderit, Kiliiii!! Ju dua shumë këtu ❣️ ❣️ shihemi së shpejti.”

Dua do të kthehet në skenë në mars, kur do të fillojë pjesën e dytë të turneut të saj në stadiume, në mbështetje të albumit të saj të tretë, Radical Optimism.

Në qershor, këngëtarja u përfshi në një incident të ngjashëm sigurie, kur një përdorues i TikTok arriti të hynte në hapësirën e saj të provave në Birmingham, vetëm disa ditë përpara se ajo të kryesonte festivalin Glastonbury.

Një burim i tha “The Sun” në atë kohë: “Dua ka punuar shumë për disa ditë për të përsosur performancën e saj për Glastonbury. Ekipi i saj largoi këtë person kur mbërritën në vend të premten.

“Ata u bënë qesharakë duke u përpjekur të filmonin dhe ishte mjaft e turpshme.

Disa anëtarë të ekipit të Duas folën me ta dhe u kërkuan të largoheshin. Ajo ishte brenda, kështu që fatmirësisht nuk pa gjithë rrëmujën”. /GazetaExpress/