U arrestua pasi vodhi pacientin: Infermierja punonte prej 2 muajsh tek Infektivi, si i tërhoqi paratë

Shqiperi

Gazeta Express

26/01/2021 13:45

Ditën e sotme është arrestuar infermierja Ronida Hysa, e cila ka pranuar të jetë ajo që ka vjedhur paratë e një pacienti me koronavirus tek Infektivi që më pas humbi jetën.

Mësohet se 30-vjeçarja kishte diku tek dy ose tre muaj që kishte nisur punë tek Infektivi. Në total, pacientit në fjalë iu vodhën 60 mijë lekë.

Gjithashtu, mësohet se ajo ka tërhequr tre herë para, nga 20 mijë lekë të reja në secilin rast. Hysa e pranoi autorësinë, por nuk ka dhënë asnjë lloj argumenti.

Hysa vodhi para nga portofoli dhe llogaria bankare e pacientit K. D., që ishte i shtruar tek Infektivi.

Pas kallëzimit të bërë nga djali 25-vjeçar i të ndjerit, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit nisën hetimet.