Gjatë 24 orëve të kaluara, në Rusi u regjistruan 507 të vdekur nga koronavirusi, që është shifra më e lartë prej fillimit të pandemisë.
Kështu, numri i përgjithshëm i viktimave të pandemisë në Rusi shkoi në 37.538, shkruan The Guardian, transmeton Gazeta Express.
Përpos viktimave, gjatë kësaj periudhe u regjistruan edhe 23.675 raste të reja të infektimeve, përfshirë 4.685 në Moskë.
Në këtë mënyrë, shifra e përgjithshme e personave të prekur nga virusi SARS-CoV-2 në Rusi shkoi në 2 milionë e 162 mijë e 503.
Sa i përket shifrës së viktimave, Rusia ka më pak të vdekur në krahasim me vendet më të prekura evropiane, por për shifrën e të infektuarve është shteti i pestë në botë.