Hoti e Vuçiq përfaqësojnë Kosovën e Serbinë më 12 korrik në dialog, bashkë me Lajçak merr pjesë edhe Borell

Gazeta Express

06/07/2020 14:19

Kosova dhe Serbia do të ulen në tavolinë të dialogut me datë 12 korrik me ndërmjetësimin e Bashkimit Evropian, raporton Gazeta Express.

Kosovën do ta përfaqësojë kryeministri Avdullah Hoti derisa shtetin serb, presidenti Aleksandër Vuciq.

Zëdhënësi i Bashkimit Evropian, Peter Stano, ka shkruar në Twitter për raundin e ri të bisedimeve Kosovë – Serbi.

Ai  ka konfirmuar se dialogu rinis me datë 12 korrik në Bruksel, derisa, bëhet e ditur se i pranishëm në takim do të jetë edhe shefi i diplomacisë evropiane Josep Borrell së bashku me të dërguarin e Bashkimit Evropian në dialog, Miroslav Lajcak.

Stano ka shkruar se Hoti me Vuciq do të takohen për të punuar lidhur me një marrëveshje gjithëpërfshirëse si dhe për normalizimin e marrëdhënieve./GazetaExpress/

Belgrade Pristina Dialogue will resume on July 12 in Brussels with @JosepBorrellF @MiroslavLajcak @Avdullah @avucic to take forward work on comprehensive deal on normalisation of Kosovo Serbia relations. pic.twitter.com/DWCddPjvc4

— Peter Stano (@ExtSpoxEU) July 6, 2020