“1 në mesin e 22 mijëve”, luftëtari shqiptar vallëzon me flamurin kombëtar midis serbëve të tërbuar

Sporte tjera

Gazeta Express

06/08/2026 23:11

Luftëtari i UFC me origjinë shqiptare, Dennis Buzukja ka publikuar në rrjetet e tij sociale një video nga hyrja e tij në eventin e UFC që u mbajt në Beograd.

Ditë më parë, ai zhvilloi meçin më të veçantë në karrierë, ku midis Serbisë, mes thirrjeve “Vritni shqiptarët”, ai e bëri një hyrje speciale në ring.

Ai hyri me flamurin kuq e zi në mesin e tifozëve serbë, të cilat edhe patën thirrje anti-shqiptare, shkruan Gazeta Express.

“1 në mes të 22 mijëve”, shkroi ndër tjera Buzukja.

Ai u përball me luftëtarin serb, Bogdan Grad, por që nuk arriti të korrte fitore.

Sonte, Dennis Buzukja e postoi videon e atmosferës shpërthyese, ndërsa i tha edhe disa fjalë për atë natë.