Gjykata Speciale ka thënë që në qoftë se dhe derisa një aktakuzë të bëhet publike, ajo mbetet konfidenciale, së bashku me procedurat në lidhje me rishikimin e saj.
Edhe tri ditë kanë mbetur deri në datën 24 tetor.
Kjo është dita kur arrihet afati ligjor që të konfirmohet ose jo aktakuza e Zyrës së Prokurorit të Specializuar kundër presidentit, Hashim Thaçi e kryetarit të PDK-së, Kadri Veseli.
Prokuroria në Hagë me datën 24 prill ka ngritur aktakuzë ndaj dy figurave qëndrore të UCK-së.
E gjyqtari i procedurës paraprake, Nicolas Guillou ende nuk e ka konfirmuar e as nuk e ka hedhur poshtë.
Por Dhomat e Specializuara në një përgjigje për televizionin kanë thënë që afati mund të zgjatet.
Kjo gjykatë ka cekur edhe disa rregulla që dëshmojnë zgjatjen e afatit të shqyrtimit të aktakuzës.
Avokati, Tahir Rrecaj ka thënë që ka mundësi që aktakuza ti jetë kthyer prokurorit të dhomave të specializuara për plotësim ose korrigjim që e njëjtë ti kthehet gjyqtari të procedurës paraprake.
Por Rrecaj thotë që në raste komplekse afati zgjat derisa nuk e përjashton mundësinë që aktakuza të konfirmohet e mos të bëhet publike.
Ndërkohë para një muaji në Kosovë u arrestua Sali Mustafa, ish epror i UÇK-së.
Atij ju kumtua konfirmimi i aktakuzës në ditën që u arrestua nga Policia e Zyrës së Prokurorit të Specializuar.