Turqia e eliminon Austrinë, kualifikohet në çerekfinale

Futboll

Gazeta Express

02/07/2024 22:54

Turqia është çerekfinalistja e tetë dhe e fundit e Euro 2024.

Turqit mposhtën ngushtë 1:2 Austrinë në 1/8 e finales, shkruan Gazeta Express.

Merih Demiral ishte heroi i Turqisë, që shënoi të dy golat.

Qysh në minutën e parë, Demiral u gjend bukur pas një tollovie në zonë dhe shënoi për 0:1.

E në minutën e 59-të, Demiral shënoi sërish një gol me kokë, pas harkimit të Arda Guler.

Shtatë minuta më vonë, Gregoritsch shënoi për 1:2 për të ngushtuar epërsinë.

Deri në fund, Austria tentoi të shënonte golin e barazimit, por nuk ia doli dot.

Kësisoj, në çerekfinale, Turqia do të përballet me Holandën, që sot e eliminoi Rumaninë.