Trepça e fiton ndeshjen e parë gjysmëfinale ndaj Pejës

Basketboll

Gazeta Express

23/04/2026 22:01

KB Trepça e ka nisur me fitore rrugëtimin në “Play-off”, duke triumfuar në gjysmëfinalen e parë ndaj KB Peja me rezultatin 86:78.

Ndeshja e zhvilluar në Mitrovicë dhuroi rivalitet dhe intensitet të lartë, me kampionët që arritën të menaxhojnë më mirë momentet vendimtare për të siguruar epërsinë e parë në seri.

Përballja u karakterizua nga lojë e fortë dhe kthesa të shumta, duke e mbajtur rezultatin të hapur deri në minutat e fundit, kur Trepça tregoi më shumë qetësi dhe efikasitet.

Seria tashmë zhvendoset në Pejë, ku pritet një tjetër duel i zjarrtë mes dy skuadrave që synojnë finalen. Skuadra që arrin tri fitore do të sigurojë kualifikimin në fazën vendimtare të kampionatit.