Shtohet misteri i vdekjes së shqiptares, prokuroria heton një mjek për vrasje

Gazeta Express

18/02/2020 23:29

Prokuroria italiane ka nisur hetimet ndaj një mjeku të urgjencës së spitalit Belcolle në Itali, në lidhje me vdekjen e mistershme të 16 vjeçares shqiptare Aurora Grazini. Mjeku po hetohet nën akuzën e vrasjes, ashtu siç bëjnë me dije mediat italiane.

Adoleshentja shqiptare humbi jetën të shtunën, fill pasi kishte dalë nga spitali i Belcolles në Viterbo. E reja ishte vizituar pasi kishte paraqitur shenja të gjendjes së ankthit dhe panikut.

Në vizitën e saj mjeku i kishte këshilluar vajzës që të këshillohej me një psikolog, por një ditë më vonë, 16 vjeçarja u gjet e vdekur në banesë nga prindërit e saj.

Autoritetet po presin rezultatet e autopsisë mbi trupin e adoleshentes dhe deri më tani është hedhur poshtë teza e një vetëvrasje, pasi jo pak kohë më parë, Aurora ishte ndarë nga i dashuri.