Reklama gjeniale në Botëror

Futboll

Gazeta Express

19/06/2026 9:39

Një sponsor ka realizuar atë që po cilësohet si një nga idetë më të zgjuara të marketingut në historinë e Kupës së Botës, duke shfrytëzuar fanellat e gjyqtarëve për një reklamë që shihet vetëm në momentet më të rëndësishme të ndeshjes.

Marka e deodorantëve Rexona ka vendosur logon e saj poshtë sqetullave të fanellave të gjyqtarëve. Për pjesën më të madhe të lojës, logoja mbetet e fshehur, por bëhet menjëherë e dukshme sa herë që një gjyqtar ngre duart për të treguar një penallti, një karton apo tabelën elektronike të zëvendësimeve.

Ideja ka marrë shumë vlerësime në rrjetet sociale dhe nga ekspertët e marketingut, pasi reklama lidhet drejtpërdrejt me produktin që promovohet. Duke qenë se deodorantët përdoren pikërisht në zonën e sqetullave, vendosja e logos në atë pjesë të fanellës është konsideruar një lëvizje kreative dhe shumë efektive.

Quite possibly the most unusual sponsorship at this World Cup. 🤔

Rexona — a global deodorant brand and official FIFA World Cup partner — have their logo on the 4th official’s substitution boards. But look closer… it’s right under the arms.

That’s right. Every time the board… pic.twitter.com/Xctu97iAFL

— REFSIX (@refsix) June 18, 2026

Sipas FIFA-s, rreth gjashtë miliardë njerëz pritet të ndjekin Kupën e Botës në forma të ndryshme, gjë që e bën këtë një nga platformat më të mëdha të reklamimit në botë.

Pse futbollistët po veshin këpucë rozë?

Një tjetër detaj që ka tërhequr vëmendjen në këtë Botëror është numri i madh i futbollistëve që po luajnë me këpucë rozë.

Arsyeja lidhet me faktin se tre prodhuesit më të mëdhenj sportivë, Nike, Adidas dhe Puma, kanë zgjedhur ngjyrën rozë si elementin kryesor të modeleve të tyre për këtë verë.

Sipas studimeve të Nike, atletët ndihen më të sigurt kur përdorin ngjyra të ndezura dhe të guximshme. Rozë është zgjedhur jo vetëm për efektin psikologjik, por edhe sepse bie menjëherë në sy në fushën e gjelbër.

Një faktor tjetër i rëndësishëm është se asnjë nga 48 kombëtaret pjesëmarrëse në Kupën e Botës nuk përdor fanella rozë, duke bërë që këpucët e kësaj ngjyre të dallohen edhe më shumë gjatë transmetimeve televizive. /GazetaExpress/