“Los Blancos” do ta kërkojnë sonte fitoren e radhës për t’i bërë presion Atleticos në krye të tabelës
Real Madridi do ta kërkojë sonte fitoren e radhës në La Liga, për ta vazhduar kështu serinë pozitive në të cilën është futur.
“Los Blancos” do ta presin Granadan, në ndeshjen që do të fillojë në orën 19:45, shkruan Gazeta Express.
Ekipi i Zinedine Zidanet me tri pikë të reja do të mundohet t’i bëjë presion liderit, Atletico Madrid, i cili e mposhti paraprakisht Real Sociedadin.
Aktualisht, skuadra e Zinedine Zidanet i ka 29 pikë, tri më pak se “Los Colchoneros”.
Nga ana tjetër, Granada ka shfaqur lojëra të mira deri tash dhe do të tentojë ta nxjerrë një barazim në kryeqytetin spanjoll. /Gazeta Express/