Prishtina e rikthen trajnerin Kandemir

Basketboll

Gazeta Express

06/01/2023 15:36

Klubi i basketbollit Prishtina ka njoftuar se ka arritur marrëveshje me trajnerin e njohur turk, Ahmet Kandemir.

Bardhekaltrit ishin treguar mjaft të suksesshëm me këtë trajner në të kaluarën dhe tash synojnë t’i pëtsërisin këto suksese, shkruan “Gazeta Express”.

Më poshtë mund ta lexoni postimin e klubit kryeqytetas në faqen zyrtare në Facebook.

“Trajneri i mirënjohur turk Ahmet Kandemir rikthehet në kryeqytet, tani me ambicie të reja dhe energji të freskëta. Nën drejtimin e tij kemi fituar njërin nga trofetë më të rëndësishëm në historinë e klubit, Kupën e Kosovës në Prizren në vitin 2013.Kandemir ka drejtuar klubet e njohura turke: Beşiktaş JK, Pınar Karşıyaka, Mersin BB, Antalya BB”. /Gazeta Express/