Hashim Thaçi ka thënë se e ka nënshkruar vendimin për t’ia dhënë mandatin Albin Kurtit. Ka thënë se posa të jetë gati, Shefi i VV’së mund të shkojë në Presidencë për ta marrë dekretin. Ka thënë se s’mund të vazhdojë gjatë bllokada e institucioneve.
“E ftoj përsëri që të mos vazhdoj të mbetet vendimi që e kam nënshkruar qe Albin Kurti është nominuar për kryeministër. Nënshkrimi im për mandatar është në tavolinën time”, ka thënë Presidenti Thaçi.
Këto komente Thaçi i ka bërë gjatë shënimit të organizimit “Faleminderit Shqipëri”, ku është shënuar eksodi i shqiptarëve të Kosovës drejt Shqipërisë.
“Kosova edhe gjatë nuk do të jetë e bllokuar, do t’i shikojmë të gjitha mundësitë dhe variacionet politike që kanë partitë për respektimin e vullnetit qytetarë”, ka shtuar ai.
Thaçi ka thënë se vullneti për të lëvizur më shpejtë është më i madh se për të mbajtur peng votën e popullit.
“Nëse Kurti nuk e pranon dhe nuk është i gatshëm ta marrë vendimin për të qeverisur, atëherë mund ta refuzojë.
Ai ka thënë se do t’i shtjerre të gjitha mundësitë për krijimin e institucioneve.