Policia e konfirmon nisjen e hetimeve për djegien e flamurit serb në derbin e basketbollit në Gjakovë

Basketboll

Gazeta Express

25/10/2022 13:09

Në derbin e basketbollit kosovar ndërmjet Vëllaznimit dhe Trepçës u panë skena të ndryshme, duke nisur nga djegia e flamurit serb, një parullë për Mitrovicën dhe fishkëllimi i himnit shtetëror të Kosovës dhe intonimi i himnit kombëtar shqiptar.

Por, për njërin prej tyre, Prokuroria në Gjakovë ka hapur rast, shkruan “Gazeta Express”.

Bëhet fjalë për djegien e flamurit serb, e cila është vlerësuar si nxitje e përçarjes dhe e mosdurimit.

“Gjakovë 23.10.2022 – 18:00. Raportohet se në postimet e rrjetit social Tik-Tok është vërejtur se gjatë një ndeshje basketbollistike, disa tifozë kanë djegur një flamur. Në lidhje me rastin është konsultuar prokurori i shtetit, rasti vazhdon të hetohet”, ka njoftuar Policia e Kosovës. /Gazeta Express/